Castellano · English
Novas
Contidos
Internet

· Ultimas novas

· Lugares
· Natureza
· Galerías fotográficas

· Hoteis e hostais
· Apartamentos
· Casas rurais
· Campismo

· Restaurantes

· Axenda

· Historia
· Persoeiros
· Lendas
· Os viquingos

· Mapas

· En Pontevedra
· En Vilagarcía
· En Vigo
· En Galicia

· Webcam - Baiona
· Webcam - O Grove
· Webcam - Pontevedra
· Webcam - Redondela
· Webcam - Sanxenxo
· Webcam - Vigo
· Fondos de escritorio

· Baiona
· Barro
· Bueu
· Caldas de Reis
· Cambados
· Campo Lameiro
· Cangas
· Catoira
· Cotobade
· O Grove
· A Illa de Arousa
· A Lama
· Marín
· Meaño
· Meis
· Moaña
· Moraña
· Nigrán
· Poio
· Pontevedra
· Ponte Caldelas
· O Porriño
· Portas
· Redondela
· Ribadumia
· Salceda de Caselas
· Sanxenxo
· Soutomaior
· Valga
· Vigo
· Vilaboa
· Vilagarcía de Arousa
· Vilanova de Arousa

· Finisterrae
· Ribeira Sacra
· RíasBaixas.org

Creative Commons License


Esta web apoia á iniciativa dun dominio galego propio (.gal) en Internet
10º Ano - 2ª Epoca - 26/04/2019
     VIGO
Vigo é a cidade máis dinámica de Galicia. Medrou arredor do porto, abrigado pola ría e polas fermosas illas Cíes, estrelas do Parque Nacional Illas Atlánticas. A cidade rebe de actividade cultural, historia e festa.
Vigo, potencia pesqueira

A historia desta cidade está escrita con auga salgada. Esta vila mariñeira empezou a medrar a partir das industrias conserveiras e de saber aproveitar ao máximo o potencial do seu porto, moi protexido e de fondo calado. Así as cousas, a de Vigo é unha orixe mariñeira, centrada no Berbés. Aínda hoxe, a pesar das modificacións urbanísticas, poden percibirse neste peculiar barrio e no de Bouzas detalles das casas típicas dos pescadores.

O casco vello de Vigo coincide co que foi desde o século XVII ata o XIX a vila amurallada, desde o Areal ata a Porta do Sol. Esta zona é das máis atractivas para os visitantes, pois comprende a praza da Pedra (onde hai un exótico mercado), a rúa dos cestos, a praza da Constitución, a praza da Princesa e a de Almeida, unha das máis antigas da cidade.

Na Porta do Sol, que hoxe é o centro neurálxico de Vigo, pódese observar a estatua do Sereo, obra de Francisco Leiro que representa un personaxe híbrido entre home e peixe e simboliza a relación da cidade co mar. Vigo conta con varias estatuas modernas, que falan ás claras da súa mocidade como gran capital. Están a Porta do Atlántico, na praza de América; o monumento ao Traballo, na Gran Vía; os Cabalos, na praza de España e o monumento a Europa, ao final da avenida do mesmo nome.

Os vigueses prerromanos

Vigo empeza no mar e érguese como unha gran muralla cara ao monte do Castro. Un dos costumes obrigados do que visita a cidade é subir ao alto para captar as magníficas vistas da ría, das illas Cíes e do Atlántico. No monte do Castro, como o nome indica, hai restos das vivendas que ocupaban os poboadores da zona na época castrexa (500 a.C.). Pero no municipio vigués están documentados restos arquitectónicos de arredor do 2000 a.C.: hai 30 petroglifos repartidos polas parroquias de Coruxo, Beade, Matamá, Teis, Sárdoma, Oia e Navia.

Da época da romanización, pódese visitar a finca de Mirambell, preto da illa de Toralla, onde unha excavación arqueolóxica localizou toda unha vila romana con termas, exquisitos vidros, fragmentos de mosaicos e fina cerámica.

Praias urbanas ou a viaxe ás Cíes

Á beira da finca de Mirambell atópase un dos areais máis amplos de Vigo, O Vao. O máis coñecido e concorrido é Samil, con case dous quilómetros de lonxitude, moi céntrico e equipado con multitude de servizos: parque, piscinas, paseo, pistas deportivas... Tampouco debemos esquecer as praias de Muíños de Fortiñón, Portiño, Bouzas, Alcabre, Navia e Coruxo.

Caso á parte é o das Cíes. Trátase de tres illas paradisíacas, protexidas polo Parque Nacional das Illas Atlánticas. A do Centro e a do Norte (Monte Faro e Monteagudo) están unidas por unha lingua de area. Á do Sur (ou de San Martiño) só se pode chegar en barco privado. Teñen un clima cálido e unha escasa pluviosidade anual (a metade que Vigo, por exemplo). Conta con nove praias de finísima area e auga cristalina.

Para ir ás Cíes hai que achegarse ao porto náutico vigués. Ademais do náutico e do pesqueiro (un dos portos con máis descargas de peixe de Europa) hai un impoñente porto de transatlánticos e un prestixioso porto deportivo.

A ruta cultural viguesa

Vigo leva anos tratando de rachar coa etiqueta de cidade unicamente industrial para converterse tamén en puntal da cultura. O Pazo de Quiñones de León é o exemplo máis antigo. Foi convertido en museo municipal, e nel albérgase unha importante colección de cadros galegos e restos arqueolóxicos, ademais de contar coa súa fermosa arquitectura e un marabilloso xardín botánico con labirinto.

Nos últimos anos, as iniciativas culturais multiplicáronse. Hoxe Vigo conta, entre outros, cun destacado MARCO (Museo de Arte Contemporánea), co Museo do Mar de Galicia e co Museo Verbum, dedicado á comunicación humana.

Ademais, no monte da Madroa está situado o único parque zoolóxico de Galicia: Vigozoo, que cumpre labores divulgativos e de recuperación natural.

# Enlace permanente a este contido
Utiliza este enlace para copiar como acceso directo ou para engadir a favoritos.
Illas Cíes >>
Cangas >>
Pontevedra >>
Nigrán >>

Contidos relacionados
 





· Ano 2005
· Ano 2006
· Ano 2007
· Ano 2008
· Ano 2009
· Ano 2010
· Ano 2011
· Ano 2012

· Centro Comercial

· Rías Baixas
· Emigración
· Aluguer e venda




info@riasbaixas.net
Tlf.: (+34) 902 23 31 31
By Abertal ©