PRESENTACIÓN DE RIASBAIXAS.NET (19-12-2005)
A nova web turística de Abertal preséntase hoxe en Pontevedra

A comunidade virtual www.riasbaixas.net empeza hoxe, 19 de decembro, a súa andaina oficial pola rede. Será presentada ás 12.30 horas no Palacete pontevedrés das Mendoza, sede do Padroado de Turismo Rías Baixas.

Ao acto asistirán o director do Padroado, J. Octavio Rodríguez, o alcalde de Pontevedra, Miguel Anxo Fernández Lores e o xerente da empresa promotora, Manuel L. Pan.

O novo portal pretende dinamizar o turismo das Rías Baixas aproveitando os novos camiños de Internet e a experiencia que lle outorga a Abertal ter desenvolvido con éxito outros dous portais semellantes: www.finisterrae.com e www.ribeirasacrata.com.

Desde este portal agardamos que o que nace hoxe sexa só unha pequena versión da grande comunidade virtual que, co seu apoio e colaboración, traballará para o ben económico, social e cultural das Rías Baixas.

# Enlace permanente a esta nova Utiliza este enlace para copiar como acceso directo ou para engadir a favoritos.

Abertal >> Comunidade virtual Costa da Morte >> Comunidade virtual Ribeira Sacra >> Novas relacionadas